Ақтөбе облысы бойынша Қазынашылық департаменті - Қазақстан Республикасынын Қаржы министрлігі Қазынашылық комитеті
Menu
+7 7172 717312

kk_mfrk@minfin.gov.kz
Кіру Тіркелу │ Жабық ақпаратқа кіру үшін

Аккаунтқа кіру

ММ/КСС коды *
Құпиясөз *
Запомнить меня

Тіркелу

Жұлдызшамен (*) белгіленген міндетті түрде толтыру қажет.
ММ/КСС аты *
ММ/КСС коды *
Құпиясөз *
Құпиясөзді қайта енгізіңіз *
Email *
Еmail-ді қайта енгізіңіз *

Ақтөбе облысы бойынша Қазынашылық департаменті

Актюбинская область

«Мансап» мемлекеттік қызмет мектебі студенттерімен кездесу

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Ақтөбе облысы бойынша Департаментінің «Мансап» студенттік мемлекеттік қызмет мектебінің оқу кестесіне сәйкес МҚІА өкілдерінің қатысуымен Ақтөбе облысы бойынша Қазынашылық департаментінің басшысы Д.Б.Амренова 2019 жылғы 17 мамырда  студенттермен өткізілген кездесуде болды.

Әңгімелесу түрінде өткізілген кездесу барысында Департамент басшысы Қазынашылықтың қызметі және оның негізгі бағыттары туралы, атқарылып жатқан іс-шаралар туралы айтып, қазынашылық өмірінің қызықты деректерімен бөлісті. Департаментке жас мамандарды тарту және оларды оқытуға көп көңіл бөлінетіні  туралы атап айтылды. Мемлекеттік қызметтегі реформалар, меритократия принциптеріне негізделген іріктеу жүйесінің енгізілуі, лайықты жас қазынашы кадрларын  іріктеуге және тәрбиелеуге мүмкіндік береді.

Сондай-ақ, кездесуге Департаменттің персоналмен жұмыс істеу бөлімінің басшысы Р.Қ.Қожаева, жас маман А.Б.Әділов қатысып, Департаментте мемлекеттік қызметті өткеру, осы саладағы реформалар туралы өздерінің пікірлерімен бөлісті.

 Қазынашылық өмірінен бейнеролик, слайдтар  көрсетілді. Студенттерді қызықтырған  сұрақтарға жауаптар берілді.

Қазынашылық департаменті қызметкерлерінің мұражайға баруы туралы

Қазынашылық департаментінің қызметкерлері «Рухани жаңғыру» бағдарламасы аясында салынған облыстық тарихи – өлкетану мұражайына барды. Мұражайда Ақтөбе өңірінің бай тарихының көрініс табуына барлық жағдайлар жасалған.

Қазынашылар табиғи, археология, сәулет және этнография залдарындағы тамаша экспозицияларымен,  пайдалы қазбалармен, өсімдіктер, фаунамен, археологиялық, тұрмыстық заттармен, басқа да қызықты жәдігерлермен танысты.

 Экскурсия кезеңінде қызметкерлер өздерінің кіші Отаны және Қазақстан тарихында үлкен із қалдырған тұлғалар туралы көбірек білді.

Мемлекеттік мекемелермен өткізілген семинарлар туралы

2019 жылдың 19 сәуірінде Ақтөбе облысы бойынша Қазынашылық департаментінде республикалық және жергілікті бюджеттер есебінен қаржыландырылатын мемлекеттік мекемелердің өкілдерімен «Бюджеттің атқарылуы және оған кассалық қызмет көрсету Ережесін бекіту туралы Қазақстан Республикасы Қаржы министрінің  2014 жылғы 4 желтоқсандағы № 540 бұйрығына,  басқа да нормативтік құқықтық актілерге енгізілген өзгерістер мен толықтырулар. Мемлекеттік мекемелерге қазынашылық қызмет көрсету барысында туындаған мәселелер. 2019  жылдың 1 тоқсанында  жіберілген кемшіліктерге талдау жасау» тақырыбында семинарлар өткізілді.

Семинарларда мемлекеттік мекемелердің төлемдер және міндеттемелер бойынша қаржыландырудың жеке жоспарларына өзгерістер енгізу анықтамаларын, төлем шоттарды сапалы өткізу, азаматтық-құқықтық мәмілелерді тіркеу, клиенттердің ҚБШ және шоттарына түсімдерді аудару, ақша алушылардың анықтамалығына ақша алушыларды еңгізу, құжаттар жинағын қалыптастыру  тәртібін сақтау, басқа да сұрақтар қарастырылды.

Мемлекеттік мекемелердің назарына нормативтік құқықтық актілерге енгізілген соңғы өзгерістер мен толықтырулар жеткізіліп, жиі жіберілген кемшіліктер талданды, сонымен қатар, туындаған сұрақтарға  жауаптар берілді.

 

«Наурыз мейрамын» мерекелеу туралы

Ақтөбе облысы бойынша Қазынашылық департаментінде 2019 жылғы 20 наурызда «Наурыз мейрамы» аталып өтті. Қазақтың дәстүрлі тағамдарымен мерекелік дастархан жайылды. Халық әндері мен ұлттық ойындарға жарыс өткізілді.

Сонымен қатар, мереке қарсаңында Департамент қызметкерлері қазынашылық ардагеріне материалдық көмек көрсетті.