Астана қаласы бойынша Қазынашылық департаменті - Қазақстан Республикасынын Қаржы министрлігі Қазынашылық комитеті
Menu
+7 7172 717312

kk_mfrk@minfin.gov.kz
Кіру Тіркелу │ Жабық ақпаратқа кіру үшін

Аккаунтқа кіру

ММ/КСС коды *
Құпиясөз *
Запомнить меня

Тіркелу

Жұлдызшамен (*) белгіленген міндетті түрде толтыру қажет.
ММ/КСС аты *
ММ/КСС коды *
Құпиясөз *
Құпиясөзді қайта енгізіңіз *
Email *
Еmail-ді қайта енгізіңіз *

Астана қаласы бойынша Қазынашылық департаменті

г. Астана

Өлеңмен өрілген өмір

Астана қаласы бойынша Қазынашылық департаментінде 2019 жылғы  19 маусымда қазынашылық саласында 20 жылдан астам енбек ете жүріп, «Анаға арнау»,  «Әкеме», «Табиғат», «Қоқи қаз», «Немере», «Балама» және т.б. 30 дан астам шығарманың авторы Төлемдерді бекіту және бақылау басқармасының бас маманы-бас қазынашысы Ләззат Нұрланқызы Тлеукенованың шығармашылығына арналған шығармашылық кеш өтті. Автор іс-шара соңында өзінің құрастырған өлеңдер жинағын әріптестерге таратты.

Кеш барысында  әріптестер Ләззат Нұрланқызының шығармаларын оқып, зор қошеметпен ыстық лебіздерін білдірді. Кеш соңында Департамент басшысы өзінің ризашылығын, шығармашылығына толағай табыс және қолжеткізген істі одан әрі жалғастыруға  тілек білдірді.

Парасаттылық және заңнын үстемділігі- табысты ұлттың кепілі

2019 жылғы 15 мамыр күні  «Парасаттылық және заңнын үстемділігі- табысты ұлттың кепілі» тақырыбында Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Нұр-Сұлтан қаласы бойынша  департаментімен ұйымдастырылған    Нұр-Сұлтан қаласы бойынша мемлекеттік қызметшілер және студенттер арасында өтетін аймақтық пікір сайыс (дебат) ойына  Астана қаласы бойынша Қазынашылық департаментінің қызметкерлері қатысып, жүлдегі 1 және 2 орындарды иеленді. Сонымен  қатар,  белсенді қатысқандары үшін алғыс хаттармен марапатталды.

Құрметті мемлекеттік қызметші

Мемлекеттік қызмет істері органдарының 20-жылдығын мерекелеу аясында мемлекеттік қызметтің имиджін көтеру мақсатында «Қазақстан Республикасының үздік мемлекеттік қызметшісі» республикалық конкурсында  «Қазақстан Республикасының 2018 жылғы үздік мемлекеттік қызметшісі» атағын жеңіп алған Қазақстан Республикасы Қаржы министрлігі Қазынашылық комитетінің Астана қаласы бойынша Қазынашылық департаментінің басшысы Рахат Келдібайұлы Тоқбаевтың фотосуреті              Нұр-Сұлтан қаласы, Р. Қошқарбаев көшесінің бойында «Еңбегіне қарай – құрмет, жасына қарай – ізет» бастамасымен жарнамалық билбордта жарық көрді.

 

Волейболдан Спартакиада

Астана қаласы бойынша Қазынашылық департаменті 2019 жылдың     06 сәуірінде Астана қаласының мемлекеттік мекемелерінің қызметкерлері арасында волейболдан өткен қалалық Спартакиадаға белсене атсалысып, жарыс қорытындысы бойынша II орынды иеленді.

Сыбайлас жемқорлыққа қарсы іс-әрекет

Астана қаласы бойынша Қазынашылық департаменті басшысының орынбасары Г.М.Унербекованың «Сыбайлас жемқорлыққа қарсы іс-әрекет» атты мақаласы «Астана ақшамы» газетінің 2019 жылғы 30 наурыздағы №36 (3851) нөмірінде мемлекеттік тілде жарық көрді.

Үстел теннисі бойынша Спартакиада

Астана қаласының мемлекеттік мекемелерінің қызметкерлері арасында өтетін жыл сайынғы қалалық Спартакиада аясында 2019 жылдың     16 наурызында үстел теннисінен өткен жарысқа Астана қаласы бойынша Қазынашылық департаментінің қызметкерлері белсене атсалысты. Жарыс қорытындысы бойынша Департамент 4 орынға иеленді. Астана қаласы бойынша Қазынашылық департаменті.

Шахмат пен дойбыдан Спартакиада

Астана қаласының мемлекеттік мекемелерінің қызметкерлері арасында өтетін жыл сайынғы қалалық Спартакиада аясында 2019 жылдың   2 наурызында шахмат пен шашкадан өткен жарысқа Астана қаласы бойынша Қазынашылық департаментінің қызметкерлері белсене атсалысты.

Жарыс қорытындысы бойынша Департамент шахмат бойынша  10 орынға және дойбы бойынша 5 орынды иеленді.

Шаңғыдан Спартакиада

Астана қаласының мемлекеттік мекемелерінің қызметкерлері арасында өтетін жыл сайынғы қалалық Спартакиада аясында 2019 жылдың    17 ақпанында шаңғыдан өткен жарысқа Астана қаласы бойынша Қазынашылық департаментінің қызметкерлері белсене атсалысты. Жарыс қорытындысы бойынша Департамент ерлер арасында  II және III орынды, әйелдер арасында II орынды иеленді.

Қазынашылық жүйе, қаражатты тиімді басқарады

Қазақстанның қазынашылық жүйесінің 25 жылдығы қарсағында атаулы мерейлі күн жақындаған сайын, қызығы мен қиындығы мол өткерген жолымызды ой елегінен өткізіп, межелеген болашағымызды пайымдаймыз.

Алдымен қазынашылықтың атқаратын қызметін,  қазынашылықтың құрылу тарихын есімізге түсірсек. Қазынашылық тарихи тұрғыдан мемлекет байлығының сақталуына жауап береді, салықтар, салымдар, баж салығын өндіріп алуды ұйымдастырады және мемлекеттік мұқтаждықтарға қаражат бөледі, сондай-ақ ақша эмиссиясына, шақа соғуға жауапты. Қазынашылық – ақша қаражаттарын тиімді жұмсау және сақталуын қамтамасыз ететін қаржылық орган.

Мемлекеттік қаржыға жауапты мемлекеттік органдардың құрылуына және жетілуіне көптеген факторлар әсер етті. Мемлекеттік қаржыны тиімді басқару жүйесін құру, жаңғырту әрі дамыту – әртүрлі елдердің қазынашылық органдарының басты міндеттерінің бірі.

Қазақстанның қазынашылық жүйесінің қалыптасуы мен дамуы біздің мемлекетіміздегі маңызды оқиға Тәуелсіздік алуымызға байланысты. Мемлекеттігіміздің өсуі және нығаюы, бюджетке түсімдердің және қаражат шығыстарының біртіндеп өсуі мемлекеттік қаржылық басқаруды және қаржылық жүйені қайта құруды реформалауды талап етті. Туындаған барлық мәселелерді шешу салдары «Қазақстан Республикасы қаржы министрлігінің Қазынашылығын құру туралы»  Қазақстан Республикасы Президентінің 1994 жылғы 27 қаңтардағы Жарлығына қол қою болды.  

Қазақстан қазынашылығы кірістер мен шығыстар бойынша бақылауды жүзеге асырады, бюджет қаражаттарының мақсатты жұмсалуына жауап береді, ақша ағынының қозғалысын оңтайландырады, бюджет қаражатын шоғырландыруды, олардың жұмсалуының ашықтығын, оларды тиімді басқаруды қамтамасыз етеді, бюджеттік заңнаманы әзірлеуге қатысады және оның атқарылуына бақылау жасайды.

Қазынашылық өз қызметі кезеңінде мемлекеттің бюджеттік ағынын басқарудың барлық қыры шоғырланған, келешегі мол, дамыған қаржы институты ретінде өзін көрсете білді.

2004 жылы бірыңғай ақпараттық ортаны қамтамасыз ету үшін қазынашылық органдары жаңа ақпараттық жүйеге көшті. Сарапшылардың пікірі бойынша Қазақстанның қазынашылық жүйесінің тәжірибесі басқа елдерге үлгі болатындай, жоғары бағаланып, бірегей жүйе ретінде танылды.

2011 жылы қазынашылық органдарының жұмыс тиімділігін неғұрлым жоғарылатқан, соған сәйкесті бюджетті атқарудың сапасын арттырған қаржылық құжаттарды  онлайн-режимде өңдейтін «Қазынашылық – клиент» жүйесі енгізілген болатын.

Сонымен қатар 2012 жылы  бюджеттік қаражаттың атаулылығы мен мақсаттылығы – бюджеттік қағидатына сәйкестігіне арналған квазимемлекеттік сектор субъектілерінің шоттарына қызмет көрсету басталған еді.

Одан әрі бюджеттік шығыстардың тиімділігін түпкілікті жақсарту үшін 2017 жылы «Құрылыс бойынша мемлекеттік сатып алуды қазынашылық қолдау» жобасы енгізілді. Аталған жобаның мәні - құрылысқа шарттарды іске асырған кезде бюджет шығыстарын мониторингін жасау.

           Қазіргі кездегі қазынашылық жүйесі Қазақстанның қаржылық жүйесінің басты бөлігі болып отыр. Қазынашылық мемлекеттік органдардың алдына қойған міндеттерін орындау үшін уақытылы кірістерді есептеп, қаржылық ресурстармен жеткілікті қамтамасыз ету жолымен ақшалай ағынның ашықтығы мен шұғыл жүргізілуін қамтамасыз етеді. Процестерді тек барынша автоматтандыру, алдыңғы қатарлы озық технологияларды пайдалану және әкімшілік және техникалық тәртіпті оңайлату жағдайында ғана стартегиялық міндеттердің бірі - қоғамдық қаржы жағдайы туралы ақпараттың ашықтығы мен қолжетімділігін қамтамасыз етуді шешуге мүмкіндік береді.

Жалпы, нәтижесі сөзсіз әсерлі, бірақ бұл қазынашылық қызметінің шығар биік шоқтығы емес, келешекте атқарылатын бірнеше жобалар бар:

Мемлекеттік қаржының өтімділігін тиімді басқару. Мақсаты – Үкіметпен экономикаға уақытша талап етілмейтін бюджет қаражатымен жұмыс істеу. Нарық мөлшерлемесі бойынша Бірыңғай қазынашылық шоттардың уақытша бос қаражатын банктерде орналастыру нарық өтімділігін қолдаудың пайдалы әрі керекті құралы болуы мүмкін;

ҚЕХС-на сәйкес бюджеттің барлық деңгейінде одан әрі шоғырландыру үшін есептеу әдісі бойынша ақша ағыны мен жұртшылықтың аталған есептеріне қол жеткізу мүмкіндігі үшін шоғырландырылған қаржылық есептемені ұсыну;

Бюджет қаражатын жұмсауға дейін бұзушылықтарды болдырмауға мүмкіндік беретін бүгінде ішкі аудит органдарымен анықталатын бұзушылықтарға жол бермеу бөлігінде алдын-ала және ағымдағы бақылау кезеңінде қазынашылық қызметті кеңейту және күшейту. 

Қазынашылық жүйесі құрылғаннан бастап, әрине, аз ғана уақыттың ішінде, Қазақстанның қазынашылығы бюджет жүйесінің бір буыны ретінде мемлекеттік қаржыны басқару жүйесіндегі лайықты әрі өзекті орын ала отырып, орасан зор қалыптасу және даму жолынан өтті.

Әрине, осының барлығы қазынашылықта еңбек ететін сауатты әрі білікті қызметкерлерінің жұмысы арқасында. Осы сәтті пайдалана отырып, әріптестерімді мерейлі күнмен құттықтаймын, біздің осы ортақ ұлы ісімізді табысты дамытуға қомақты үлесімізді қоса берейік!

Автор:Астана қаласы бойынша Қазынашылық департаментінің басшысы Токбаев Рахат Кельдибаевич

https://pdf.egemen.kz/2019/01/

«Мемлекеттік тіл – мемлекеттік қызметте» байқауы

 Астана қаласы бойынша Қазынашылық департаменті 2018 жылдың       23 қарашасында «Рухани жаңғыру» мемлекеттік бағдарламасын іске асыру аясында Астана қаласының Тілдерді дамыту және архив ісі басқармасының ұйымдастыруымен өткен мемлекеттік қызметшілер арасындағы «Мемлекеттік тіл – мемлекеттік қызметте» байқауына  белсене қатысты.

Аталған байқауда «Қазына» тобы тіл мәдениетінің үздік үлгісін көрсетіп, III орынды иеленді.

Департаментке жүлделі орын алғаны үшін диплом және естелік сыйлық табысталды.

 

Қазақстан Республикасы Қаржы министрлігі Қазынашылық комитеті

010000, Астана қ. Жеңіс даңғ., 11

Сайтты жасаған: ҚР ҚМ Қазынашылық комитетінің Ақпараттық технологиялар басқармасы

1414
Қазынашылықтық ақпараттық жүйесі туралы сұрақтар үшін

Мәтінде қате бар ма? Қатені тышқанмен
белгілеп алыңыз да, CTRL+ENTER басыңыз

+7 (7172) 717567
Қазынашылық комитетінің сайты туралы сұрақтар үшін
Яндекс.Метрика